昨日午餐真係hea 到人體爆炸 😁 ，今日午餐認真煲返一個超靚嘅菜乾豬骨粥先。
呢個粥嘅靈魂係菜乾，菜乾是我家務助理媽媽在鄉下親自種和曬的，真係特別香和好味，所以個粥已經成功了一半 😜
分享自己做法（非專業）：做呢個粥，要早一晚浸定菜乾、瑤柱及用鹽醃定豬骨。翌日用少少油醃定煲粥用的米，浸定果片及刮囊，我會隔去雜質留回浸果皮、菜乾和瑤柱的水一陣煲粥用。
豬骨用凍水出水後洗乾淨備用。落少少油炒香菜乾及瑤柱，然後放入煲粥水並加入果皮開火加熱，水大滾才加米，大火煲10分鐘，然後改中火煲8分鐘，最後放入豬骨再煲多15分鐘完成。重點：期間要不時攪拌，避免黐底。
呢個粥有果皮入口涼喉，好舒服，大家有時間又煲吓粥食。
👩🏻🍳 Timmy
Search